हनुमंत दवंडे
तालुक्यातील वरफळ येथील जिल्हा परिषद सदस्य इंद्रजित घनवट व परिवर्तन युवा ग्रुपच्या वतीने नेहमीच सामाजिक बांधिलकी जपत वेगवेगळे उपक्रम राबवले जातात. त्यातच सावित्रीबाई फुले यांच्या जयंती चे निमित्त साधून गावातील जिल्हा परिषद प्राथमिक शाळेमध्ये शिक्षण घेणाऱ्या गरजू विद्यार्थ्यांना शालेय साहित्याचे मोफत वाटप करण्यात आले.
परिवर्तन युवा ग्रुपचे संचालक योगेश खंडागळे यांच्या पुढाकाराने जिल्हा परिषद प्राथमिक शाळेतील विद्यार्थ्यांना मोफत शालेय साहित्य वाटप करण्याचे नियोजन करण्यात आले याला प्रतिसाद म्हणून जिल्हा परिषद सदस्य इंद्रजित घनवट यांच्या मार्फत शालेय साहित्य उपलब्ध करून सामाजिक बांधिलकी जपत शालेय विद्यार्थ्यांना मोफत पेन आणि वह्या चे वाटप करण्यात आले
या कार्यक्रमाची सुरुवात सम्राट अशोक नगर येथे सावित्रीबाई फुले यांची जयंती साजरी करून त्यानंतर ग्रामपंचायत कार्यालयात सावित्रीबाई फुले यांची जयंती साजरी करून करण्यात आली यावेळी जिल्हा परिषद सदस्य इंद्रजित घनवट, सरपंच नदीम पटेल,ग्रामसेवक श्री राऊत,शाकेर मापेगावकर,ग्रामपंचायत सदस्य उद्धव गोरे,सुभाष खंडागळे,वहिद पठाण,गजानन गोरे,जुबेद शेख,संदीपान रुपनर, प्रमोद उबाळे,प्रल्हाद गोरे, मापेगावचे सरपंच बापूराव दुगाने,मुख्याध्यापक सरफारज कायमखानी,परिवर्तन ग्रुपचे योगेश खंडागळे, रोहित मगर,आर्या खंडागळे, मारोती खंडागळे, आकाश भदर्गे यांच्या सह शाळेतील शिक्षक व अन्य गावकरी उपस्थित होते.
