महाराष्ट्र शिक्षक पॅनलच्या वतीने प्रदान करण्यात येणारा प्रतिष्ठेचा 'राज्यस्तरीय सेवा सन्मान आदर्श शिक्षक पुरस्कार २०२६' चे जालना जिल्ह्यातील पुरस्कार्थीना आज मान्यवरांच्या हस्ते यथोचित सत्कार करून निवडपत्र प्रदान करण्यात आले.
सर्वप्रथम दिपप्रज्वलन आणि प्रतिमा पुजन करण्यात आले. सर्व मान्यवरांचे सत्कार करण्यात आले. यावेळी प्रास्ताविक महाराष्ट्र शिक्षक पॅनलचे राज्यसमन्वयक भगवान जायभाये यांनी केले.बदनापूरचे गटशिक्षणाधिकारी दत्तात्रय क्षीरसागर, घनसावंगी चे गटशिक्षणाधिकारी रवी जोशी, समता शिक्षक संघटनेचे राज्याध्यक्ष अरुण जोशी, महाराष्ट्र राज्य शिक्षक परिषद जालना जिल्हाध्यक्ष मंगेश जैवाळ यांनी आपल्या मनोगतात महाराष्ट्र शिक्षक पॅनल आणि पुरस्कार्थी श्रीम. साधनाताई गिऱ्हे, विकास पोथरे, श्रीनिवास सुदेवाड, निलेश सोमवंशी, भाऊसाहेब खाडे, शामराव टेकाळे, रणधीर पाटील, भाऊसाहेब कोलते, सिद्धार्थ म्हस्के, श्रीम. स्नेहल पवार, श्रीम दीपाली जोंधळे, श्रीम फरहत तांबोळी, निर्वती भालेकर, मनोहर विरकर, आवेज पठाण या शिक्षकांचे अभिनंदन तसेच कौतुक केले.
हा पुरस्कार जिल्ह्यासाठी अभिमानास्पद असल्याचे अध्यक्षीय भाषणात जालना शिक्षक पतसंस्था चेअरमन जगत घुगे यांनी सांगितले. कार्यक्रमाचे सूत्रसंचालन जालना शिक्षक पतसंस्था सचिव संतोष देशपांडे तर आभारप्रदर्शन जिल्हा समन्वयक चंद्रशेखर ठाकूर यांनी केले. या कार्यक्रम यशस्वीतेसाठी जालना शिक्षक पतसंस्था संचालक जगन्नाथ शिंदे,महाराष्ट्र राज्य शिक्षक परिषद तालुकाध्यक्ष सुनील साबळे,महाराष्ट्र शिक्षक पॅनल प्रतिनिधी मन्मथ होनराव आदींनी परिश्रम घेतले.
या निवडीबद्दल शैक्षणिक, सामाजिक आणि पालक स्तरातून त्यांच्यावर अभिनंदनाचा वर्षाव होत आहे.
