घनसावंगी तालुक्यातील कोठाळा येथील सुप्रसिध्द कीर्तनकेसरी भारतीदास हभप साहेबराव आश्रोबा साबळे (कोठाळकर) महाराज यांचे वयाच्या 110 व्या वर्षी वृद्धापकाळाने दि २६ जुन २०२४ रोजी सायंकाळी साडेपाच वाजेच्या सुमारास राहत्या घरी निधन झाले.
त्यांच्या पाश्चात्य तिन मुले, तिन मुली, सूना, जावई, नातवंडे असा मोठा परिवार आहे. त्याच्यावर दि २७ जुन रोजी सकाळी दहा वाजता मूळ गावी कोठाळा येथे अंत्यसंस्कार करण्यात येणार आहेत.
कीर्तनकेसरी हभप साहेबराव महाराज कोठाळकर यांनी कीर्तनाच्या माध्यमातून महाराष्ट्रभर ग्रामीण शहरी भागात समाज प्रबोधन केले. संतांचे विचार आपल्या शब्दात मांडून समाज घडविण्याचे कार्य केले आहे. कीर्तनकेसरी हभप साहेबराव महाराज कोठाळकर यांच्या निधनाने संप्रदायात शोककळा पसरली आहे. जालना येथील प्रयाग हॉस्पिटलचे डॉ.रामेश्वर साबळे यांचे ते वडील होत.
