मंठा-(सुभाष वायाळ)
दि.06 मंठा येथे आचार्य बाळशास्त्री जांभेकर यांच्या जयंतीनिमित्त कार्यक्रमाचे आयोजन करण्यात आले होते. कार्यक्रमाच्या अध्यक्षस्थानी श्री.एस.यु. वायाळ उपस्थित होते. तर प्रमुख पाहुणे म्हणून श्री जगदीश राठोड, श्री संतोषराव बोराडे, श्री सुशील घायाळ उपस्थित होते. यामध्ये सर्वप्रथम दर्पणकार बाळशास्त्री जांभेकर यांच्या प्रतिमेचे पूजन करण्यात आले. कार्यक्रमाचे सूत्रसंचालन अशपाक शेख यांनी केले. तर प्रास्ताविक बाळासाहेब खराबे यांनी केले.बाळशास्त्री जांभेकर यांच्या जीवनावर प्रकाश टाकण्यात आला.बाळशास्त्री जांभेकर यांचा जन्मदिवस हा पत्रकार दिन म्हणून मोठ्या उत्साहाने साजरा केला जातो. याचे औचित्य साधून मंठा येथील पत्रकार बांधवांनी सामाजिक उपक्रमाच्या माध्यमातून हा दिवस साजरा केला. हा कार्यक्रम यशस्वीरित्या पार पाडण्यासाठी आयुब पठाण व उस्मान पठाण यांनी मोलाची कामगिरी बजावली.तर रफिक सय्यद यांनी आभार व्यक्त केले. या कार्यक्रमाला माऊली बाहेकर,आशिष मोरे, आयुब खान व परिसरातील बांधव मोठ्या संख्येने उपस्थित होते.
